კრემლისა და "ოცნების" ლიდერების იდენტური რიტორიკა

რუსეთის მოქალაქეებისთვის ოკუპირებული აფხაზეთის საკითხზე შეკითხვის დასმა პროვოკაციაა. ხელისუფლების აზრით, ოკუპანტი ქვეყნიდან ჩამოსულებთან საქართველოს ოკუპირებულ ტერიტორიებზე საუბარი მიუღებელია. ირაკლი კობახიძე უფრო შორსაც წავიდა და აფხაზეთი კოსოვოს შეადარა, რაც პირდაპირ რუსული გზავნილია, რომელიც საქართველოს ინტერესებს ეწინააღმდეგება. შინაარსობრივად, გრიგორი კარასინისა და ქართული ოცნების კომენტარები არაფრით განსხვავდება ერთმანეთისგან. მმართველი პარტია მადლობას უხდის პოლიციას, რომელიც ანტისაოკუპაციო აქციის დროს მონაწილეებს ფიზიკურად გაუსწორდა და დააკავა.